संसद अधिवेशन बोलाउन संयुक्त रुपमा दबाब दिने विपक्षी दलहरुको निर्णय
समाज खबर संवाददाता |
काठमाडौँ । विपक्षी दलहरुको संयुक्त बैठकले संसद अधिवेशन बोलाउन सरकारसँग माग गरेको छ ।
बुधबार माओवादी संसदीय दलको कार्यालय सिंहदरबारमा बसेको विपक्षी दलहरुको संयुक्त बैठकले सरकारलाई अध्यादेशबाट शासन गर्ने चेष्टा नगर्न भन्दै संसद अधिवेशन बोलाउन माग गरेको हो ।
सरकारले संसद अधिवेशन नबोलाए विपक्षी दलहरूले विशेष अधिवेशन बोलाउन माग गर्ने तयारी भएको माओवादी उपमहासचिव वर्षमान पुनले जानकारी दिएका छन् ।
उनले भने,‘सरकार संसद नबोलाएर अध्यादेशमार्फत स्वैच्छाचारी ढंगले सञ्चालन गर्ने जो रवैया देखाएको छ, त्यसले सरकार स्वेच्छाचारी बनेको छ भन्ने स्पष्ट भएको छ ।’
त्यस्तै बैठकले सरकार स्वेच्छाचारी ढंगले अघि बढेको निष्कर्षसमेत निकालेको छ । बैठकमा रास्वपाका कार्यवाहक सभापति डीपी अर्याल, एकीकृत समाजवादीका अध्यक्ष माधव कुमार नेपाल र बेदुराम भुसाल, राप्रपाका बुद्धिमान तामाङ, आजपाका अध्यक्ष प्रभु साह, र नेसपाका महिन्द्रराय यादव र गंगानारायण श्रेष्ठ सहभागी थिए ।
त्यस्तै माओवादी केन्द्रबाट अध्यक्ष प्रचण्ड, नारायणकाजी श्रेष्ठ, वर्षमान पुन र शक्ति बस्नेत सहभागी थिए । कांग्रेस–एमालेको गठबन्धन सरकारले अध्यादेशबाट शासन गर्न लागेको भन्दै माओवादीले विपक्षी मोर्चाको बैठक बोलाएको हो ।
केही दिनअघि माओवादी अध्यक्ष प्रचण्ड, एकीकृत समाजवादीका अध्यक्ष माधव नेपाल, राप्रपा अध्यक्ष राजेन्द्र लिङदेनबीच पनि छलफल भएको थिय
प्रतिकृया दिनुहोस