बिश्व फोटोग्राफ्री दिवसमा रक्तदान आयोजना
समाज खबर संवाददाता |
भरतपुर । १सय ८५ ओैं विश्व फोटोग्राफी दिवस चितवन सहित देशैभर विभिन्न कार्यक्रमगरि मनाईएको छ ।चितवनमा चितवन फोटोग्राफी संघले खुल्ला रक्तदान कार्यक्रम आयोजना गरेको छ । भरतपुर महानगरपालिका वडा नं ३ स्थित लायन्स चोकमा आयोजना गरिएको रक्तदान कार्यक्रममा महिला पुरूषगरी ६२ जनाले रक्तदान गरेका छन् ।चितवन फोटोग्राफी संघका अध्यक्ष ध्रुव सापकोटाको अध्यक्षतामा आयोजना गरिएको कार्यक्रममा सेन्ट्रल कलेजका प्रबन्धनिर्देशक यज्ञविलास पौडेल प्रमुुख अतिथि थिए । कार्यक्रम केन्द्रीय उपाध्यक्ष श्रीराम कंडेल, पूर्व अध्यक्ष लक्ष्मण गुरूङ, चन्द्रकान्त ओझा लगायत उपस्थित थिए ।कार्यक्रम जिल्ला सचिव विपिन खतिवडाले संचालन गरेका थिए ।चितवन फोटोग्राफी संघ चितवनमा क्रियाशील फोटोग्राफरहरूको पुरानो छाता संस्था हो । प्रत्येक वर्ष विश्व फोटोग्राफी दिवसको अवसरमा चितवन फोटोग्राफी संघले विभिन्न कार्यक्रमगर्दै आएको छ । अघिल्लो वर्षपनि खुल्ला रक्तदान कार्यक्रम गरिएको थियोे ।
प्रतिकृया दिनुहोस