मणिपाललाई नियम बिपरित करोडौं राजस्व छुट दिएको भन्दै पोखरा महानगरमा अख्तियारको छापा
समाज खबर संवाददाता |
पोखरा । एक शिक्षण अस्पताललाई नियम बिपरित राजस्व छुट दिएको अभियोगमा अख्तियार दुरुपयोग अनुसन्धान आयोग पोखरा कार्यालयले पोखरा महानगरपालिकामा छापा मारेको छ ।मणिपाल शिक्षण अस्पताललाई नियमविपरीत २० करोड रुपैयाँ राजस्व छुट दिएको विषयमा छानबिन गर्न अख्तियारले आज महानगरमा छापा मारेको हो । छापाबाट विभिन्न कागजात नियन्त्रणमा लिइएको अख्तियार पोखरा कार्यालयले जनाएको छ ।‘मणिपालको विषयमा बाहिर आएकै कुरा हो । यस विषयमा छानबिनका लागि हामीले छापा हानेको हौँ । केही कागजात बरामद गरिएको छ,’ आयोग श्रोतले भन्यो । अख्तियारले कार्यपालिका बैठकको निर्णय, राजस्वसम्बन्धी अहिलेसम्म भएका निर्णय, राजस्व परामर्श समितिको निर्णय, नक्सापासलगायतका मणिपाल अस्पतालसँग सम्बन्धित कागजात नियन्त्रणमा लिएको हो ।
प्रतिकृया दिनुहोस