प्रसाईं जस्तो हावालाई कमाण्डर बनाएपछि ज्ञानेन्द्र नांगेझार भए : प्रचण्ड
समाज खबर संवाददाता |
काठमाण्डौं । नेकपा माओवादी केन्द्रका अध्यक्ष एवं पूर्व प्रधानमन्त्री पुष्पकमल दाहाल प्रचण्डले १५ गतेको राजावादीहरुको कार्यक्रममा पूर्व राजा ज्ञानेन्द्र शाहले दुर्गा प्रसाईं जस्तो हावालाई कमाण्डर तोकेको भन्दै त्यसबाट ज्ञानेन्द्र नांगेझार भएको बताएका छन् । बुधबार पार्टी निकट महिला सङ्गठन अनेमसंघ (क्रान्तिकारी) लुम्बिनी प्रदेश सम्मेलनलाई कोहलपुरमा सम्बोधन गर्दै प्रचण्डले प्रसाईं जस्तो हावालाई कमान्डर बनाएर ज्ञानेन्द्रले बुद्धि बिगारेको बताएका हुन् । ‘राजावादीको कमान्डर पूर्वराजा ज्ञानेन्द्र शाहको प्रिय पात्र दुर्गा प्रसाईंजस्तो हावालाई कमान्डर बनायो । त्यस्तो हावालाई कमान्डर बनाएको छ । प्रसाईंलाई के भन्नु हेर ज्ञानेन्द्रको बुद्धि ! त्यस्तालाई कमान्डर बनाएर के गरेको होला ?’, । यहि १५ गते राजावादीले गरेको प्रदर्शनका क्रममा भएको तोडफोड, आगजनी भएको थियो । त्यस क्रममा २ जनाको निधन भएको थियो भने करोडौंको क्षति भएको थियो ।
प्रतिकृया दिनुहोस