रविलाई भैरहवा लगिँदै, अदालतको आदेशको सम्मान गर्छु, प्रहरीले राज्य आतंक मच्चायो : रवि
समाज खबर संवाददाता |
काठमाडौँ । उच्च अदालत बुटबलको आदेश पछि पक्राउ परेका रवि लामिछानेलाई आज हवाइ मार्गबाट भैरहवा लगिने भएको छ ।
हिजो आदेश लगत्तै प्रहरीले लामिछानेको निवास हेपाली हाइटबाट पक्राउ गरेको थियो । उपत्यका अपराध अनुसन्धान कार्यालयको टोलीले लामिछानेलाई शुक्रबार राति बुढानीलकण्ठस्थित निवासबाट पक्राउ गरेको हा । शुक्रवार उच्च अदालत तुलसीपुरको बुटवल इजलासले उनलाई सहकारीको रकम ठगेको कसुरमा न्यायाधीशद्वय रमेश ढकाल र स्वीकृति पराजुलीको इजलासले पुर्पक्षका लागी थुनामा पठाउन आदेश दिएको थियो ।धरौटीमा छाड्ने जिल्ला अदालतको आदेश उल्ट्याउँदै थुनामा पठाउने उच्च अदालतको आदेशपछि सामाजिक संजालमार्फत लामिछानेले आफूमाथि ठूलो अन्याय भएको बताएका छन् । उनले भनेका छन्, ‘सम्मानित अदालतको आदेशको सम्मान गर्दै म आफैं आजै अहिले नै गिरफ्तारी दिँदैछु । साथै न्यायालयका अन्य ढोकाहरु मेरा लागि खुल्ला होलान् नै । न्यायका लागि दुनियाँका सबै ढोका ढकढकाउँछु । म माथि ठूलो अन्याय भएको छ । चितवनको सभा नरोक्नुस् ।’
आदेश अघिनै घरमा प्रहरी तैनाथ गरिएर राज्य आतंक मच्चाइएको भन्दै रास्वपाले बिरोध जनाएको । बेडरुममै पक्राउ पूर्जी लेखिएको भन्दै रास्वपाले बिरोध पनि जनाएको छ ।
प्रतिकृया दिनुहोस