उपाधिका लागि जिएचसिए र टिपटप डिएभि भिड्दै
समाज खबर संवाददाता |
काठमाडौं । काठमाण्डौंमा जारी टिप टप इन्डो नेपाल टी–२० क्रिकेट प्रतियोगिताको उपाधिका लागि ग्रेट हिमालयन क्रिकेट एकेडेमि( जिएचसिए) र टिपटप डिएभि क्रिकेट एकेडेमी भिड्ने भएका छन् ।
बिहीवार भएको सेफिफाइनलमा आ आफ्नो खेल जित्दै जिएचसिए र डिएभिले फाइनलका लागि स्थान बनाएका हुन । जिएचसिएले एन्जल्स स्पोट्र्स एकेडेमीलाई ९ विकेटको फराकिलो जित निकाल्दै फाइनल यात्रा तय गरेको हो । टस जितेर फिल्डिङ रोजेको जिएचसिए बिरुद्ध एन्जल्सले पुरै २० ओभर खेल्दै ९ विकेटको क्षतिमा १ सय १३ रन बनाएको थियो । एन्जल्सका लागि बु्द्धिमान पाख्रिनले ३०, रिगल महतले २५ र भरपर्दा ब्याट्सम्यान मानिएका जोय थापाले मात्र १२ रन बनाएका थिए । जिएचसिएका प्रबल श्रैष्ठ, सामिम्य सापकोटा, भन्स क्षेत्रीले दुइ दुइ बिकेट लिएका थिए भने प्रान्जल काफ्लेले एक विकेट लिएका थिए । जिएचसिएका भन्स क्षेत्रीले ४० बलमा ९६ रनको बिष्फोटक पारी खेलेका थिए । जिएसिएले १ सय १३ रनको लक्ष्य एक विकेटको क्षतिमा ९दशमलव ४ ओभरमा भेट्टाएको थियो । उनले यस अघिका २ खेलमा पनि १ सय ९ रन र ९८ रन बनाएका थिए । उनी यस प्रतियोगिताका सर्वाधिक रन बटुल्ने ब्याट्सम्यान हुन् । उनी तीनबटै खेलमा म्यान अफ दि म्याच बनेका छन् ।
बिहीवारनै भएको अर्को सेमिफाइनल खेलमा टिपटप डिएभिले क्रिकेट एक्सिलेन्स सेन्टर ( सिइसी)लाई ५७ रनले हराएर फाइनल यात्रा तय गरेको हो । ििटपटप डिएभिले टस जितेर ब्याटिङ रोजेको थियो । उस्ले निर्धारित २० ओभरमा ६ विकेट गुमाएर १ सय ३२ रन बनाएको थियो । डिएभिका कृतिक ज्ञवालीले ४०,श्रीयस अग्रवालले ३२ रन बनाएका थिए । सिइसिका अनिकेत सिंहले २,युगान्त कार्की र आयुब रसाइलीले एक एक बिकेट लिएका थिए । १सय ३३ रनको लक्ष्य पाएको सिइसी १८ दशमलव ३ ओभरमा सबै विकेट गुमाएर मात्र ७५ रनमा समेटिएको थियो । सिइसीका सत्यम बस्नेतले २० रन बनाउनु बाहेक अरु खेलाडीले दोहोरो अंकको रन बनाउन सकेनन् । डिएभिका कमल शाही, प्रसिद्ध जैसी र तनिष्ककुमार साहले दुइ दुइ विकेट लिएका थिए । फाइनल खेल शुक्रवार तल्लो मूलपानी क्रिकेट स्टेडियममा हुँदैछ ।
डिएभि सुशील केडिया विश्व भारतीय स्कुलको आयोजनामा आइतबारदेखि सुरु भएको खेलमा कुल ६ टोलीको सहभागिता थियो ।
प्रतियोगितामा १६ बर्ष मुनिका र कक्षा १० सम्म अध्यनरत विद्यार्थीले सहभागिता जनाउन पाउने प्राबधान थियो ।
प्रतियोगितामा बोलपुर युथ टाउन, वेस्ट बंगाल भारत, ग्रेट हिमालयन क्रिकेट एकेडेमी, डिएभी क्रिकेट एकेडेमी, नेक्सस क्रिकेट एकेडेमी र एन्जल्स स्पोट्र्स एकेडेमी,क्रिकेट एक्सिलेन्स सेन्टर (सिइसी) को सहभागिता रहेको थियो ।
प्रतिकृया दिनुहोस